Kismaayo(RBC Radio) R/wasaaraha xukuumada Soomaaliya Cabdi Faarax Shiirdoon Saacid ayaa gaaray magaalada Kismaayo ee xarunta gobolka Jubada hoose waxaana waftiga R/wasaaraha si diiran ugu soo dhaweeyey garoonka diyaaradaha magaalada Kismaayo masuuliyiinta maamulka kumeelgaarka ah ee ka arimiya magaaladaas waxgaradka iyo odayaasha dhaqanka gobolada Jubooyinka ee uu shirku uga socdo magaaladaasi.
R/wasaare Cabdi Faarax Shiirdoon oo maalmihii danbe si weyn loogu diyaargaroobayey soo dhaweyntiisa ayaa waxaa uu halkaasi wadahadalo kula leeyahay maamulka iyo waxgaradka Jubooyinka,R/wasaare Cabdi Faarax Shiirdoon Saacid ayaa waxaa safarkiisa Kismaayo ku wehlinaya Wasiirio ka tirsan xukuumada iyo mudanayaal ka tirsan baarlamaanka Soomaaliya.
Amaanka magaalada Kismaayo ayaa si weyn loo adkeeyey waxaana gaaf wareegaya wadooyinka magaalada gaadiidka ciidamo farabadan oo wata gaadiidka dagaalka kuwaas oo xaqiijinaya amniga magaalada waxaana gabi ahaaanba maanta magaalada Kismaayo ka dhaqan galay Bandow ay kusoo rogeen muddo maalin ah maamulka kumeelgaarka ah ee magaalada Kismaayo.
Waxaana gabi ahaanba maanta hawa ka maqan Isgaarsiinta magaalada Kismaayo kadib markii ay hawada ka saareen maamulka uu hogaamiyo Axmed Madoobe ee ka arimiya magaalada Kismaayo sababo dhanka amniga ah awgiisa.
Waxa kasoo baxa wadahadala uu R/wasaaruhu la leeyahay masuuliyiinta iyo waxgaradka ku shirsan magaalada Kismaayo kula soco wararkeena danbe Sawiro iyo wararkii ugu danbeeyey ee kulamadaas hadii alle idmo.
RBC Radio
Xafiiska Wararka Muqdisho
Use Facebook to Comment on this Post
