Madaxa Suuqgeynta Shirkadda Golis Cabdirixmaan Cabdullaahi Jaamac “Dayax”” oo Raxanreeb Wareysi kusiiyey Xafiiskiisa Boosaaso
Boosaaso[RBC Radio] Shirkadda Isgaarsiinta Golis Telcom oo dhawaan soo bandhigtay Addeeg cusub oo lagu magacaabo AFGARAD ayaa maanta faahfaahin kooban ka siiyey Raxanreeb Addeega cusub ee AFGARAD,kaas oo dhawaan ay Shirkaddu Bulshadeeda usoo bandhigtay..
Madaxa Suuqgeynta Shirkadda Golis Cabdirixmaan Cabdullaahi Jaamac “Dayax”” oo Xafiiskiisa Boosaaso Wareysi ku siiyey Raxanreeb ayaa sheegay in Addeega AFGARAD ku fududeynaayo in si fudud kugu Turjumo Ereyada Luuqada Ingiriiska afka Soomaaliga,taasina ay tahay mid faa’ido u leh bulshada.
….”"” Addeega AFGARAD waa Addeegii u danbeeyey ee Shirkadu kicisay,Ujeedka ay u kicisayna wuxuu ahaa iney haqab tirto baahiyaha kala duwan ee haysta bulshaweynta Soomaaliyeed ee Waxbarata,Wax qorta,waxna akhrida…”"”ayuu yiri Dayax.
Cabdirixmaan Cabdullaahi Jaamac “Dayax”” ayaa xusay in Addeegaan AFGARAD muddo ku qaadatay Eray bixintiisa si bulshada Soomaaliyeed u uga faa’ideystaan afkooda Hooyo Addeeg lagu Isticmaalayo.
…”"”Waa Addeeg erey bixintiisu muddo ay ku qaadatay in loo raadiyo ereygii ku haboonaa ee Shirkaddu u bixin lahayd oo Macaamiishuna ay fahmi karaan,mar kasta oo Shirkaddu addeeg bixinayso waxay raadisaa afkeena Hooyo erey bixin ugu haboon…”"ayuu yiri.
Addeega Cusub ee AFGARAD
Waxa uu sheegay in Addeegan oo Isticmaaleen ilaa hadda dad kor u dhaafaya tobon kun oo qof kana mid ah macaamiisha Shirkadda Isgaarsiinta Golis,kuwaas oo isugu jira qeybaha kala duwan ee bulshada.
..”" Addeegan ilaa hadda waxaa Isticmaalay in ka badan toban kun oo qof,waxaan fileynaa inuu noqdo mid ka mug ballaaran noqda Qaamuuska luuqada Ingiriiska,mid leh macluumaad farabdan oo ka baxsan….”"ayuu yiri.
Sidee Ku Yimid Magaca Addeegaan AFGARAD?
Xarunta Shirkadda Golis Telcom
Madaxa Suuqgeynta Shirkadda Golis Cabdirixmaan Cabdullaahi Jaamac “Dayax”” ayaa ka tibaaxay in magaca Addeegaan AFGARAD muddo Erey bixintiisa la falaanqeynaayey lagana soo dhexsaaray magacyo badan oo la isu diray sidaasna lagu doortay Magaca AFGARAD.
Wuxuu intaas ku daray MudaneCabdirixmaan Cabdullaahi Jaamac “Dayax””in wakhti kasta u baahanyihiin talo bixinta iyo aragta Bulshada Soomaaliyeed ee ku Wajahan Addeegan cusub ee AFGARAD,Isla markaana Shirkaddu aqbaleyso haddii loo baahdo in wax lagu sii siyaadiyo.
…”"” Waan u baahanahay aragtidooda ku aadan Addeegaan wixii lagu kordhin karo oo iyaga u muuqda,waxaan diyaar u nahay mar kasta oo ay noosoo gudbiyaan fariin ku Saabsan waxa uu u baahanyahay Addeegaan lagu sii siyaadiyo inaan aqbalno kuna soo darno sida ugu dhakhsiyaha badan…..”"”ayuu mar kale sheegay!!.
Wareysiga gabagabadiisa ayuu hambalyo ugu diray Shacabka Soomaaliyeed ee Isticmaala Addeegyada kala duwan ee ay bixiso Shirkaddu,Isagoona EEBE uga baryey in dhabaatada ka dulqaado uguna badelo Barwaaqo iyo Nabad.
Wareysiga Halkan ka Dhageyso Madaxa Suuqgeynta Shirkadda Golis Guji Halkan
_____________________________
Cismaan Turaabi
RBC Radio
Xafiiska Boosaaso
Use Facebook to Comment on this Post
