Qardho(RBC Radio) Musharax C/wali Maxamed Cali Gaas oo ah Musharax u taagan xilka madaxtinimada Puntland ayaa maanta soo gaaray Magaalada Qardho.
Musharaxa oo ka soo anbabaxay saakay magaalada Garowe ayaa loogu hortagay meel magaalada u jirto 25km.
Musharax Cabdiwali Maxamed Cali Gaas ayaa ololalihiisa Siyaasadeed waxa uu ka wadaa Magaalooyinka waaweyn ee Puntland, shacabka ku nool magaalada Qardho maanta uma kala harin soo dhaweynta Mushaeax Gaas.
Markii uu soo gaaray magaalada ayaa waxaa soo buux dhaafiyey hareeraha wada laamiga dadweyne aad u badan waxaana qeyb ka ahaa soo dhaweyntiisa fardooleyda oo maanta wacdaro ka dhigay soo dhaweynta msuahrax C/wali maxamed Cali Gaas.
Musharaxa Markii uu soo gaaray magaalada Qardho ayaa waxa uu la hadalay dadweynihii soo dhaweeyey waxa uuna ugu mahadceliyey soo dhaweynta loogu sameeyey Magaalada Qardho,waxa uu canbaareyey qarixii ka dhacay magaalada Bosaso iyo dagaalkii Taleex.
Sidoo kale soo dhaweynta waxaa ciyaaraha hidaha iyo dhaqanka ku soo bandhigay haweenka gobolka iyagoo u qaaday Buraanbur dhiiri galin ah.
Musharax Cabdi weli Maxamed Cali Gaas ayaa waxa uu sheegay in uu sii joogi doono magaalada Qardho soona bandhii doono Khudbadaha oo ugu talagalay shacabka ku nool Magaalada Qardho.
_______________
RBC Radio
Use Facebook to Comment on this Post
