Madaxweynaha Soomaaliya oo sheegay inuu si deg deg ah R/wasaare usoo magacaabayo[Dhageyso+Sawirro]

Madaxweyne Xassan Sheekh

Muqdisho[RBC Radio]Madaxweynaha Soomaaliya Xassan Sheekh Maxamuud oo goor dhawed shir jaraa’id ku qabtay xarunta madaxtooyada ee Soomaaliya,ayaa waxaa uu ka hadlay markii ugu horreysey go’aankii ay Baarlamaanka Soomaaliya codka kalsoonida ah ay kala laabten R/wasaarihii Soomaaliya Cabdi Faarax Shirdoon Saacid,sidoo kale waxaa uu shirkiisa ku soo qaaday tallabada xigta maadamaa xukuumadii dalka ka jirtay ay dhacdey.

Xassan Sheekh marka horre waxaa uu sheegay inuu siweyn usoo dhaweenayo go’aanka Baarlamaanka ay maantay qaaten kadib markii ay kalsoonidii kala laabten xukuumadii uu hoggaaminayey Saacid,waxana uu go’aanka uu ku sheegay inuu yahay mdi geesinimo leh sida uu hadalka u dhigay.

…””’Guddoonka Baarlamaanka iyo mudanayaasha baarlamaanka go,aanka geesinimada leh ayey qaateen,waxana go,aankaasi uu ka turjumaya sida ay u xooganyihiin hay’addaha dimoquraadiga ah ee dalka…”””ayuu yiri madaxweyne Xassan Sheekh.

Halkaan ka dhageyso Madaxweyne Xassan Shirkiisa Jaraa’id

Madaxweynaha oo u mahad-celiyey RW

Madaxweynaha dowladda faderaalka ah ee Soomaaliya,sidoo kale waxaa uu mahad-celin ballaaran uu usoo jeediyey xukuumadi uu hoggaamin jiray R/wasaare Saacid,waxana uu sidoo kale soo hadal qaaday in xukuumada xilligaan kalsoonida ay kala laabten Baarlamaanka inay sii shaqeyn doonto tan iyo inta uu soo magacaabayo R/wasaare cusub oo uu dalku yeesho.

Dhinaca kale madaxweynaha waxaa uu si cadd uu u sheegay inaysan waqti dheer ku qaadan doonin soo magacaabista R/wasaare cusub,uuna sida ugu dhaqsiyaha badan usoo magacaabi doonno R/wasaare cusub.

Ugu danbeyn madaxweyne Xassan waxaa uu shacabka soomaaliyeed ugu baaqay in ay ka fogaadaan waxyaabaha khilaafka keeni karo,isagoo sheegay in hadii khilaaf dhaco lagu kala baxayo dastuurka dalka u yaala.

Isku soo wada dubo go’aanka ay maantay qaaten xildhibaanada Baarlamaanka Soomaaliya ee ay ku eryen xukuumadi R/wasaare Saacid,waxaa ay ka dhigaysa inay soo af-jareen khilafkii labada masuul ka dhaxeeyey.