Baarlamaanka Soomaaliya oo doododi soo gaba gabeenaya
Muqdisho[RBC Radio]Maanata oo Isniin ah waxaa lugu wadda inay soo dhamaato doodi ay xildhibaanada Baarlamaanka Soomaaliya ka lahaayeen xukuumada uu hoggaamiyo R/wasaare Saacid,waxana doodan maantay la sugaya in lugu soo gaba-gabeeyo ka doodista mooshinka kalsooni kala noqoshada R/wasaaraha iyo xukuumadisa.
Doodi kululeyd ee ay shalay yeeshen xildhibaanada ayaa waxaa ka hadlay illa 30-xildhibaan,kuwaaso ka warbixinayey aragtidooda moshiinka horyaalla,waxana maantay lugu wadda inay sidii kale arrinta xildhibaanada hortaalla ay ka hadlay xildhibaano gaaray illaa 50-xildhibaan,waxana ay qeyb ka yihiin 83-dii xildhibaan ee is qortay inay mooshinka ka doodaan, waxaana kulanka maanta uu yahay mid aad uga adag kulankii shalay.
Xildhibaanada hadalada jeedinaya ayaa ah kuwo aad ukala fog oo ku kala aragti duwaan mooshinka ay xilligaan xildhibaanadu ka doodayaan,waxana taas caddeyn uu ah kal fadhigoodi ay xildhibaanadu yeeshen shalay inuu ahaa mararka qaar mid dhalinayey buuq ,waxana ay taasi kentay in gudoonka uu aad ugu mashuulsanaa xakameyntooda.
R wasaare Saacid
Shalay ayey ahaayd markii uu guddoomiyaha Baarlamaanka Prof. Jawaari uu sheegay in maanta la soo gaba-gabeyn doono dooda, isagoo weydiistay Xildhibaanada inay ugu dambeyn soo xaadiraan inta u dhaxeysa 9-ka ilaa 10-ka subaxnimo, si dooda ay u bilaabato waqti fiican.
Xildhibaanada baarlamaanka ee ka soo horjeeda R/wasaare Cabdi Faarax Shirdoon Saacid ayaa doonaya in maanta codka kalsoonida loo qaado marka uu dhamaado doodo, balse waxaa jirta in gudoonka Baarlamaanka jawaabin war saxaafadeedkii shalay ka soo baxay xafiiska R/wasaaraha.
Dhinaca kale R/wasaare Saacid ayaa isna dhakiisa shalay sheegay in xukuumadiisa ay ku adkeysaneyso in fursad la siiyo, si ay isugu difaacdo, kadib markii shalay xildhibaanada ay diideen in dooda uu ka soo qeyb galo isla mar ahaantana is difaaco.
Iyadoo ay wali socoto doodihii ugu adka ee Baarlamaanku yeelanayaan ayaa waxaa haddana maalintii 3aad uu xiran y waddada horu marta xarunta golaha shacabka, halkaasoo ciidamo fara badan la soo dhigay,waxana sidoo kale jirta in si weyn lo ad keyey amniga xarunta.
Isku soo wada dubo waxaa maantay si gaar ah isha loogu hayaa natiijada ka soo bixi doonta, waxaana fadhiga baarlamaanka uu maalmahan yeelanayay uu ahaa mid aad uga duwan kulamadii hore, maadaama horay ay u soo xaadiri jirtay ilaa ku dhowaan 160 xildhibaan, halka maalmaha mooshinka laga doodayo ay soo fariisanayaan in ka badan 250 Xildhibaano.
_____
RBC Radio
Raxanreeb@gmail.com
Muqdisho
Use Facebook to Comment on this Post
