Maalinta AIDS-ka Adduunka oo maanta Laga Xusay Magaaladda Boosaaso (Sawirro)

Boosaaso(RBC Radio) Munaasabad ballaaran oo lagu xusayey maalinta caalamiga ah ee adduunku u qoonsaday Cudurka dilaaga ah eeHIV AIDS ayaa maanta lagu qabtay xarunta gobolka Bari ee Boosaaso.

Munaasabada oo lagu qabtay xarunta gobolka Bariee Boosaaso ayaa,waxaa ka qebgalay Guddoomiyaha gobolka Bari Cabdisamad M.Galan,Wakiilka Hay’adda PAC ee gobolka Bari Maxamed Cabdullaahi Khuurshe,Dr Cabdirisaaq Tubaako,Madaxa Ururka Xuquuqul aadanaha Cabdixakiin Baajuun iyo Xubno kamid ah NG0-yada.

Wakiilka Hay’adda Puntland u qaabilsan Ka hortaga Iyo Maareeynta Cudurka AIDS-ka ee PAC Maxamed Cabdullaahi Khuurshe oo Munaasabada ka hadlay ayaa sheegayin hal ku dhiga sanadkan loo qaatay uu yahay ”waa ineynu baabi’ino Faquuqa”.

Wakiilka Hay’adda Puntland u qaabilsan Ka hortaga Iyo Maareeynta Cudurka AIDS-ka ee PAC Maxamed Cabdullaahi Khuurshe

Maxamed Cabdullaahi Khuurshe ayaa xusay in Faquuqu yahay mid dhib badan qofka la faquuqana uu geysanayo dhibaato ku kaliftay in bulshada u qariyo Cudurka HIV AIDS-ka.

…..”’Hal ku dhigu maanta,waxa uu yahay ”waa ineynu baabi’ino Faquuqa” sababtoo ah waxaa la ogaaday faquuqu inuu dhib badanyahay qofka haddii la faquuqo oo la dhibaateeyo aakhirka,waxaa imaanaya in qofku uu xaasid noqdo dadka uu la noolyahana xanuunka u qariyo…..”’ayuu yiri Khuurshe.

Sarkaal ka tirsan Hay’adda PAC oo hawllo shaqo u joogo gobolka Bari Dr Cabdirisaaq Xasan Tubaako ayaa sheegay in Cudurka AIDS-ku ku dhici karo qof kasta isla markaana ,wuxuu intaas ku daray in dalka Soomaaliya uu cudurkan heerkiisu marayo 1%.

Dr Cabdirisaaq Xasan Tubaako

……..””” Jiradan hadaan warbixin idinka siiyo ,waxay lamid tahay Jirooyinka kale,Jiradan wadankeena wuu ugu yaryahay ,waxaana badanaa lagu qiyaasaa 1%,laakiinse waa ay kasoo badan kartaa sababtoo ah waxyaabo badan hada inala soo xiriiray ayaa jira oo jiradan badinaya ….”ayuu yiri Dr Tubaako.

Dr Tubaako ayaa tilmaamay in deegaanada Puntland ay si weyn uga qeybqaateen fidinta Cudurka Kooxaha Burcadbadeed oo bulshada si toos ah ugu baahiyey,wuxuuna xusay in dadka jirada la nool si wanaagsan loola macaamilo.

………”””Muhiimada kale waxa weeyaan dad jirada la nool ,waxayna tahay sidee loola macaamilayaa dadka la nool jirada taas ayaa ah mid muhiim ah,waana in qofkaas aan la faquuqin ,jiradaani qabiil maleh ,midab maleh,diin maleh qof kasta wey ku dhici kartaa……””ayuu yiri.

Axmed Ibraahim Cismaan oo la nool xanuunkaCudurka HIV AIDS-ka

Axmed Ibraahim Cismaan oo la nool xanuunkaCudurka HIV AIDS-ka ayaa ka sheekeeyey dhibaatada haysata dadka la nool cudurka,wuxuuna sheegay iney dhibaato ka haysato dhanka nolosha gaar ahaana Cuntada iyo daawada.

……””Dadku wey cararayaan,waxayna la cararayaan xagii nolosha ,Isbitaalka waxaa laga helayaa daawooyinka oo kaalmaati ahaan bey u qaataan hase ahaatee wax nafaqo haystaana majirto aniga nin shaqeysta ayaan ahay lacagta isoo gashana niney soo gasho majirto…..””ayuu yiri Axmed Ibraahim Cismaan.

Sidoo kale Axmed Ibraahim Cismaan ayaa sheegay in weli uu jiro faquuq lagu hayo dadka la nool Cudurka HIV AIDs-ka isla markaana ayba noqdeen kuwa ku yaacay magaaladda ,isagoona intaas ku daray raashinka la siiyo hada inuu yahay mid liita uu keenayo in dadku tabar daro dhulka ugu dhacaan.

……””’Faquuqu waa jiraa oo qof kasta wuu dhuumanayaa sababta ay u dhuumanayaan waxay tahay kii raashinkii la siin jiray mid ka liita ayaa la siiya dadkii tabar darey la dhacayaan ,waa carareen dadkii kii daawooyinka loo qoray magaaladiisa ayuu gees ka galay……””’ayuu yiri.

Madaxa Ururka Xuquuqul Aadanaha Puntland Mr. CabdixakiinSiciid[Baajuun]

Madaxa Ururka Xuquuqul Aadanaha Puntland Mr. CabdixakiinSiciid[Baajuun] ayaa sheegay in uu ku xoojinayo in goobaha Waxbarashada iyo jiilka soo koraya laaga wacyigeliyo dhibaatada iyo khatarta uu leeyahay Cudurka HIV AIDs-ka .

Mr. CabdixakiinSiciid[Baajuun] ayaa xusay in bulshada looga baahanyahay in la iskaashado si loo ogaado dhibaatada uu leeyahay Cudurka HIV AIDs-ka,isagoona intaas ku daray in cudurkan uu yahay wax rabaani ah oo Ilaahay keenay.

Xubno ka tirsan NGO-yada Tadamun,Badbaado,PHRA,WAWA,BISHA CAS Iyo Tacaawun ayaa ka qeybqaatay abaabulka Munaasabadan,waxaana hal ku dhig sanadkan looga dhigay ”’ ”waa ineynu baabi’ino Faquuqa”.

Munaasabada ayaa,waxaa soo xiray gabagabadii Guddoomiyaha gobolka Bari Cabdisamad Maxamed Gallan,wuxuuna sheegay in bulshada looga baahanyahay iney soo dhaweeyaan dadka la nool cudurka HIV AIDs-ka isla markaana ilowsiiyaan xanuunka cudurku leeyahay.