Muqdisho(RBC Radio) Maamulka gobolka Hiiraan ayaa ururka Alshabaab ku eedeeyey inay hor taagan yihiin badbaadinta dad uu soo ritay cudur la aqoonin, gudoomiyaha maamulka gobolka Hiiraan Cabdi Faarax Laqanyo ayaa sheegay in deegaanno badan oo ka tirsan gobolka Hiiraan ay ka dilaaceen cuduro aan la aqoonin wuxuuna Alshabaab u eedeeyey inay hortaagan yihiin Hay’adaha gargaarku inay gaaraan deegaanadaas.
Gudoomiyaha maamulka gobolka Hiiraan Cabdi Faarax Laqanyo oo waraysi gaar ah siinayay Idaacadda VOa-da laanteeda Afka Soomaaliga ah ayaa ka dhawaajiyay in Ururka Alshabaab ay deegaanadaas ka mamnuuceen inay ka howlgalaan Hay’adaha gargaarka.
Cabdi Faarax Laqanyo gudoomiyaha maamulka gobolka Hiiraan ayaa tibaaxay inay muhiim tahay in Alshabaab laga samata bixiyo shacabka ku nool gobolkaas ee la daalaadhacaya cudurada aan la aqoonin ee ka dilaacay deegaanada gobolkaa Hiiraan.
Dhinaca kale gudoomiyaha maamulka gobolka Hiiraan ayaa sheegay in ururka Alshabaab uu dhowaan dhacay Geel fara badan ka dhacay shacabka gobolkaas, wuxuuna tilmaamay in ciidamada ammaanka maamulka gobolka Hiiraan ay Geelaas kasoo badbaadiyeen Alshabaab.
Gudoomiyaha maamulka gobolka Hiiraan Cabdi Faarax Laqanyo ayaa ka dhawaajiyay in ciidamada maamulka gobolka Hiiraan ay qorshaynayaan sidii ay Alshabaab uga saari lahaayeen deegaanada gobolka Hiiraan.
RBC Radio
Xafiiska Muqdisho
Use Facebook to Comment on this Post
