Hargeysa (RBC) Madaxweynaha Dowlada Fedraalka Soomaaliya Mudane Xassan SH Maxamuud iyo Madaxweynaha Maamulka Somaliland Mudane Axmed Siilaanyo ayaa ayaa lagu wadaa in maalmaha soo socda ay kulan ku yeesha dalka Imaaraadka Carabta.
Siday ay raxanreeb u xaqiijiyeen ilo wareedyo aad ugu dhuun daloola kulankaan ayaa sheegaya in maalinta bari ah lagu wado in madaxweynaha Somaliland Axmed Maxamed Maxamuud Siilaanyo uu maalinta bari ah u duuli doono dalka Imaaraadka Carabta.
Geesta kale waxaa isna la filayaa in maalmaha soo socda uu dalka Imaaraadka Carabta soo gaadho madaxweynaha Soomaaliya Xasan Sh Maxamuud, halkaas oo ay ku kulmi doonaan labada madaxweyne.
Wararka ayaa intaas ku daraya in ay ka wada hadli doonaan wada hadaladii u dhexeeyey Somaliland iyo Somalia, kuwaas oo dhawaan hakad galay.
Isku soo wada duuboo maaha markii ugu horaysay ee ay kulmaAn.
Is araga labada madaxweyne ayaa ku soo beegamaya xili ay Somaliland dhankeeda gaashaanka ku dhufatay ka soo qayb galka shirka horaanta bisha May ka furimi doona magaalada London ee dalka Ingiriis.
Raxanreeb-Hargeysa
Use Facebook to Comment on this Post
