Garoowe (RBC RADIO) Wasiirka Warfaafinta Puntland abwaan Axmed Sheekh jaamac oo uu Xafiiskiisa ku wehliyo Wasiirka Maaliyada Puntland Faarax Cali Shire ayaa sheegay in Dowlada Puntland aysan waxba kala socon shirka Muqdisho ka furmay Maanta ee looga hadlayo aayaha Soomaalida ayna taageersanayn wixii kasoo baxa loogana hadlayn Aayaha Soomalidee uu ku egyahay oo kaliya Xaafaha ay ka kooban tahay Magaalada sida uu Wasiirku Hadalka u dhigay.
“Waxaa Maanta Muqdisho ka furmay Shir lagu sheegay in looga hadlayo Aayaha Soomalida Waa u Caado Xukuumada Muqdisho in ay Xaafadaha ay Magaaladu ka kooban tahay dadka ku sugan intay isugu yeerato ay tiraahdo Soomaali ayaan wax u qabanayaa oo aayaheeda ka hadlayaa taasi waxaan leenahay waa wax kama jiraan inaguna cidi inagama aadin wixii kasoo baxana dee waa aayo ku kooban Muqdisho iyo Xukuumada ka talisa, sidaana waxaa yiri Wasiirka Warfaafinta Puntland.
Wasiirka oo hadalkiisa sii wata ayaa yiri:
“ Xukuumada Muqdisho garanmeyso hab maamulka Dowlad nimo mana taqaano sida loogu Dhaqmo Dastuurka iyo Federaaliisimka oo waan ognahay in ay Meelaha ka sheegaan in aysan doonayn dalka in lagu hago Federaaliisimka, sidaa darteed wax xiriir wada shaqayn ah inakama dhexeeyo shirarkooda waa
mid u gaar ah Soomali oo dhanna uma sinna sidaa ayaan Caalamka u sheegeynaa ayuu yiri Wasiirka Warfaafinta Puntland Abwaan Axmed Sheekh Jaamac.
Wasiirka Maaliyada Puntland Faarax Cali Shire oo Shirka Jaraa’id ku wehliyay Wasiirka Warfaafinta ayaa kulanka ku xoojiyay in Dowlada Puntland ay Xiriirka u jartay Xukuumada federaalka Bishii lasoo dhaafay 5teedii ayna qalad tahay in Dowladu Magac soomaaliyeed iyadoo sheegeysa in ay qabato shir aan leysla ogayn oo iyada u gaar ah iyo Xaafadaha Muqdisho sida uu Wasiirku yiri.
Wasiirka oo Raxan-Reeb ay weydiisay marba hadii Xiriirka ay u jareen Dowlada Soomaliya Waxa ay u sugayaan in Shirarka lagu Casumo ayaa ku jawaabay in Kulankaasi Magaca Soomaliya lagu Magacaabay lana tilmaamay in Dadkoo dhan ay kasoo qayb galayaan sidaa darteed buu yiri waxaan rabnaa inaan Caalamka iyo Soomalidaba u sheegno in Puntland kal hore ay iska joojisay la shaqaynta Dowlada hadana aysan diyaar u ahayn kana qayb galeen shirkaasi wixii kasoo baxana ay qaadacsantahay.
Inkastoo Dowlada Soomaliya sidii hore kasoo dabacday oo ay taagan tahay Puntland ayaan la hadleynaa hadana xal isu soo dhawaansho ah kama muuqdo Meesha marka la eego Hadalada kul kulul ay leysku marinayo Saxaafada iyo hardanka siyaasadeed u u dhexeeya 2da dhinac, Puntlandna weli kama aysan hadlin Baaqa Madaxweyne Xasan sheekh ee ah in Miiska wadahadalka leysugu yimaado lagan heshiiyo wixii dhacay.
Ibrahim Wadani
RBC RADIO
Xafiiska Wararka Garoowe.
Use Facebook to Comment on this Post
