Qardho(RBC Radio) Wararka ka imaanaya gobolka Karkaar ee deegaanada Puntland ayaa ku waramaya in halkaas uu xalay ka dhacay shil gaari oo hgeystay dhimashada 5 ruux oo rayid ah iyo dhaawaca 7 kale shilka ayaa ka dhacay meel duleedka waqooyi kaga beegan magaalada Qardho ee xarunta gobolka Karkaar ee maamulka Puntland.
Shilka ayaa la sheegay inuu yimi kadib markii ay isku dheceen 2 gaari oo ah kuwa rakaabka qaada gaar ahaan kuwa ay Soomaalidu u taqaano Waaraadka kuwaas oo ka kala yimi magaalooyinka Boosaaso iyo Garoowe waxaana la sheegay in 2-da gaari ay foodda isdareen taasine ay keentay dhimashada rakaabka gaaraya 5-ta ruux oo ay carruuri ka mid ahaayeen.
Deegaanka Yaka oo ah halka uu shilku ka dhacay ayaa qiyaastii 30 Km dhanka waqooyiga kaga beegan magaalada Qardho ee xarunta gobolka Karkaar ee maamulka Soomaaliyeed ee Puntland dhaawacyada dadkuu ku waxyeeloobay shilkaas ayaa la gaarsiiyey cisbitaalka guud ee magaalada Qardho oo hada lagula tacaalayo xaaladooda caafimaad walow qaar kamid ah laga dayrinayo xaalkooda.
Shilalka gaadiid ayaa sanadihii danbe kusoo badanaya gobolada dalka Soomaaliya waxaana inta badan loo aaneeyaa taxadar la’aanta wadayaasha gaadiidka iyo aqoonyarida waxaana intaa dheer burburka wadooyinka oo qayb ka qaata shilalka ka dhaca dalka.
RBC Radio
Xafiiska Wararka Muqdisho
Use Facebook to Comment on this Post
