Boosaaso[RBC Radio] Waxaa Xalay gudaha magaaladda Boosaaso lagu toogtay Allaha ha u naxariistee Yuusuf Salaad Saalim oo kamid ahaa Shaqaalaha Bangiga Boosaaso.
Marxuumka la dilay ayaa ahaa Khasnajiga Bangiga Boosaaso,waxaana sida la sheegayo lagu Toogtay agagaarka Dowladda hoose ee magaaladda.
Goob jooge ku sugnaa goobta lagu toogtay ayaa Raxanreeb u sheegay in Marxuum Yuusuf Salaad Saalmin uu toogtay mid kamid ah askar baaritaan ka wadey bar Kantarool oo u dhaw Dowladda hoose ee Boosaaso.
Wuxuuna intaas ku daray in Goobjoogahaasi oo magaciisa qariyey in Marxuumka dhintay inta uusan geeriyoon ay wada murmeen mid kamid ahaa askarta Joogtay barta lagu baaro Gawaarida ee dowladda hoose
AUN Marxuum Yuusuf Salaad Saalim ayaa durbadiiba u geeriyooday Xabadii madaxa looga dhuftay,waxaana goobta Isaga baxsaday askarigii dilka geystay.
Maca ilaa hadda khilaafka keenay in Khasnajiga la toogto balse waxaa dadka qaar ay sheegayaa inuu jiray khilaaf u dhaxeeyey askariga wax toogtay Marxuumka geeriyooday.
Ciidamada amniga ee magaaladda ayaa lagu arkaayey wadada laamiga ah ee u dhow dowladda hoose ee Boosaaso halkaas oo ay u taal Isbaaro ay ku baaraan Gawaarida.
Madaxda sare ee Puntland kama aysan hadlin weli dhacdadan,waxaana si weyn looga dareemay daafaha magaaladda dilka Marxuum Yuusuf.
Raxanreeb.com kala soco wixii kusoo kordha!!
__________________
RBC Radio
Use Facebook to Comment on this Post
