Madaxweyne Cabdirixmaan Faroole
Boosaaso (RBC Radio) Madaxweynaha Dawladda Soomaaliyeed ee Puntland Cabdirixmaan Maxamed Maxamuud ayaa digniin kulul u diray Maamulka Somaliland oo ku aadan Shidaal baarista deegaano ka tirsan Sool iyo Sanaag.
Shidaal baarista Somaliland!!
Madaxweynaha Puntland Cabdirixmaan Faroole oo khudbad kaga hadlay arrimaha Shidaal baarista Somaliland iyo Puntland ayaa uga digay Somaliland ineysan ku mashquulin xiligaan Shidaal baaris ayna keeneyso Fitno.
….””Waxaan maqlaayey in Walaalaheena dariska ah ee Somaliland deegaanada Puntland meelo kamid ah iney Shirkado siiyeen hade arrintaas ha Ogaadeen iney fitno keeneyso…..””ayuu yiri.
Waxa uu sheegay Madaxweyne Cabdirixmaan Maxamed Maxamuud Faroole in Somaliland aysan awood u lahayn iney u Ogolaato.Shirkaduhu iney Batrool ka baaraan isla markaana ka shaqeeyaan.
….””” Deegaamo aysan lahayn iyo dhul aysan lahayn nina awood uma siin karo Shirkado Batrool ka baaraan kana shaqeeyaan…””ayuu yiri Madaxweyne Cabdirixmaan.
Qolo walba Xeradeeda!!
Madaxweynaha Puntland ayaa ugu baaqay Maamulka Somaliland iney ka shaqeeyaan Nabadgelyada iyo amaanka labada dhinac oo ay Walaaltinimo ku jirto,wuxuuna xusay in qofna qof kale dhulkiisa xoog ku haysan Karin.
…””Waxaan leenahay nin walba Xeradiisa haku eekaado dadku xooluu kala leeyahay,anagu ma dooneyso fitno,waxaan dooneynaa Walaaltinimo iyo amaan iyo deris wanaag in lagu wada noolaado,ninan in nin dhulkiisa haysan Karin…””ayuu yiri.
Shidaal barista Puntland !!
Dhanka shidaal baarista Puntland mar uu Madaxweynuhu ka hadlaayey ayuu sheegay in la aaminsanyahay in Puntland uu shidaal ka buuxo isla markaana la soo saari doono haddii EEBE idmo.
Waxa uu shaki ka muujiyey Madaxweynuhu in Shirkadaha Shidaalka ka baarayey Puntland ay yihiin kuwa gacan bidixiynay isla markaana aysan si daacad ah hawsha u wadin.
….”” Qolada baareysana ma aqaan mararka qaarkood iney gacan bidixeeyaan oo runta ku sheegin wey Iska dhici kartaa,laakiin sida aan ku Ogaanay markii meelo badan lagu hungoobo baa la helaa….::ayuu yiri.
Madaxweynaha dawladda Puntland Cabdirixmaan Faroole ayaa sheegay in uu aaminsanyahay in hadii Soomaaliya ay degto laga soo saari karo Shidaal.
DHAGEYSO: Faroole oo Shidaal baarista Somalilnad ka hadalaya
Here is the Music Player. You need to installl flash player to show this cool thing!
______________________
Cismaan Turaabi
RBC Radio
Xafiiska Boosaaso
Use Facebook to Comment on this Post
