Muqdisho(RBC Radio) Kulanka mudanayaasha baarlamaanka Soomaaliya oo uu shir gudoominayey gudoomiye ku xigeenka Labaad ee goaha baarlamaanka federaalka Soomaaliya Mahad Cabdalla Cawad,ajandaha kulanka ayaa ahaa ka doodidda Labo hindise sharciyeed oo kala ahaa Sharciga ddhismaha xuduudaha federaalka iyo golaha adeegga Garsoorka.
Sharciyadan ayaa maanta waxaa kulanka baarlamaanka markii Labaad ka hor aqriyey wasiirada cadaaladda,cadaaladda,garsoorka awqaafta iyo arimaha diinta C/llaahi Abyan Nuur iyo wasiirka arimaha gidaha iyo amniga qaranka xukuumadda Soomaaliya C/kariin Xuseen Guuleed,,wasiirada ayaa mudanayaasha baarlamaanka uga jawaabay su’aalo dhowr ah oo ay weydiiyeen kuwaas oo la xiriiray hindise sharciyeedyada ay baarlamaanka hor geeyey.
C/kariin Xuseen Guuleed wasiirka arimaha gudaha iyo amniga qaranka xykuumadda Soomaaliya ayaa mudanayaasha u sharaxay ahmiyadda uu leeyahay sharciga dhismaha gidiga iyo xuduudaha iyo federaalka,sharcigaas ayaa ka koobaan doonaan 9 qeybood kuwaas oo wasiirku uu tilmaamay iney qaban doonaan hawlo muhim ah.
Dhanka kale wasiirka Garsoorka, caddaaladda awqaafta iyo arimaha diinta xukuumadda Soomaaliya C/llaahi Abyan Nuur ayaa mudanayaasha baarlamaanka ka hor aqriyey sharciga dhismaha golaha adeegga garsoonka,wuxuuna tilmaamay in dhismaha xafiiskaas uu wax wyeyn kusoo kordhin doono adeegga garsoor ee ay u baahan yihiin bulshada Soomaaliyeed.
Mudanayaasha baarlamaanka Soomaaliya ayaa maalmahan danbe si xiriir ah uga dooda hindise sharciyeedyo Toban gaaraya oo ay usoo gudbiyeen wasaaradaha kala duwan ee xukuumadda federaalka Soomaaliya.
RBC Radio
Xafiiska Wararka Muqdisho
Use Facebook to Comment on this Post
